Hlimlai nite

Hlimlai nite thlir kual vel teh ang......................

Day Dream

What are my day dreams

HOBBY

Eng hi nge nuam ka tih a, ka lo buaipui ve thin le....

EXPERIENCE

Experience is a fools best teacher

KOHHRAN LAM

Kohhran lama inhmanna:

1. President, Student Missionary Fellowship, Allahabad Bible Seminary 1996-1998
2. Senior Dept. zirtirtu @ Durtlang Leitan South 1998
3. Secretary, Pune Mizo Christian Fellowship, 2000-2001
4. Missionary, Zoram Evangelical Fellowship, 2001-2004
5. Puitling Sunday School Zirtirtu, Vaivakawn Kohhran, 2004-2005
6. Principal, Presbyterian English Medium School, 2005-2007
7. Puitling Sunday School Zirtirtu, Aibawk Kohhran, 2005-2007
8.  Puitling Sunday School Zirtirtu, Vaivakawn Kohhran, 2007-2011
9. Senior Dept. Zirtirtu, Vaivakawn Kohhran, 2012
10.  Puitling Sunday School Zirtirtu, Vaivakawn Kohhran, 2013-20....
11. Secretary, Kohhran Building Committee, Vaivakawn, 2013
12. Kohhran Social Front Committee Member,
13. Branch KTP Office Bearers 2008-2013
14. Bial KTP Committee member/ Office Bearers, 2008-2014
15. Secretary, Aizawl West Presbytery KTP Meet 2011

 

Education

Ka zirna kawng chanchin ziakna lam aw:

School lama zirnaah chuan Modern English School, Bazar Bungkawn Aizawl-ah kum 1978 kum tir-ah Nursery class-in bul ka tan a, he School-ah hian lut chho zelin Class IX thleng ka kal. Kum 1989-ah tleirawl sualin hun engemaw chen min man ve a, zirlai lam ngaihsak loh avangin Class IX ka passed zo ta lo a, School thlak hun a lo ni ta a, kan veng thenawmah Khawpuia Memorial School -ah pawl kua hi ka chhiar tha leh a. He School hi Matric Exam Centre a nih bawk avangin Class X pawh kal nghalin kum 1991 kumah Matric chu tha takin ka Passed chhuak ve ta a.

College chu kan hunlaia tha bera ngaih Pachhunga University College-ah ka kal ve ta a. Pre-University Course (PU Sc) first year chu kum 1991 atang hian ka kal ve tan ta a ni. In ti College kal takin thian te nen kan inzui kual nasa thei khawp mai a, College life chu hmang nasa ve hlein ka inngai thin a, hun pawh ka hmangrei bik reng a...

Pathian hnena pian hma atanga hlan ka lo nih tawhna chuan awmzia a rawn nei ta hle mai a, ka tum loh lamah Pathian thiltih theihna mak tak chuan min len sawn ta dawrh mai a. Kum 1994 a rawn her chhuah a, Kohhranin Mizoram Gospel Centenary a lawm meuh chuan Theology zir lam a rawn lang lian ta em em mai a. Uttar Pradesh-a Allahabad-ah ka thian pakhat zirna hmuna Bachelor of Theology zir turin rinna nasa tak nen ka liam thla ta daih mai a. 

Allahabad Bible Seminary-ah chuan keimah chauhvin entrance exam ka zu dil ta tawp mai a, min lo phalsak ve mai bawk a. Ka result nghah chhung thla hnih dawnlai chu Himachal Pradesh-a Manali-ah Dar-Ul-Fazl Children's Home-ah chuan Volunteer-in ka han thawk ta bawk a. Lakakhi leh Tibetan naupangte zingah Pi J. Romawii kaihhruaina hnuaiah hun ka han hmang ta a ni.Thla hnih vel ka awm hnu chuan ka entrance exam result pawh chu hre chuang lovin B.Th zir tum em em chuan Allahabad lam chu ka pan thla ta a. Rev. Richard Howell, ABS-a Principal chuan admission chu min phalsak ta a, 1996 atang chuan Theology chu ka zir ve ta der mai.

Kum 4 zet Allahabad-a ka awm chhung hian chanchin sawi tur ka ngah hman khawp mai. Chanvo eng eng emaw pawh ka chhuah kumah chuan ka chelh ve nawk hlawm mai. Kum 1998-ah ka Graduate chhuak ta a. Mizoramah in ka thlen rual rualin Hermon Children's Home-ah Boys Home Superintendent atan appointment ka hnu nghal a, ka thawk ve nghal mai bawk a. Heta ka thawh lai hian Durtlang Leitan Kohhran atangin Leitan South Kohhran a indang thar ve mek bawk a, kohhran indang tharah chuan Senior Dept. zirtirtu atan ruat ka ni nghal bawk a. Buai taka hun ka hman lai chuan kum a lo tawp ve ta ruai a. Senate of Serampore affiliate hnuaia graduate ka nih avangin Convocation nei turin Chennai-ah kal tura sawmna ka dawn angin ka degree dawng turin Chennai ka zin a, khulai thlen takah chuan Bangalore-a ka thiante ka tlawh kual nghe nghe a.

B.Th ringawta tawp chu ka tum lo nasa mai a, Bachelor of Divinity (B.D) zir chu ka tum tlat a, entrance exam te ka pe a, Pune, Maharashtra-a Union Biblical Seminary-ah ka inziak tling leh ta hlauh mai a, 1999 kum chuan ka lut thla leh ta a. UBS-ah chuan Mizo pawh an lo awm ve ta nual a. Pune-ah phei chuan Mizo an lo tam hle a, mi 500 chuan mah kan ni a, kan inhre kim seng mang lo. Mizo Student Union Pune-ah te leh Pune Mizo Christian Fellowship (PMCF) pawl-ah te ka phak ang tawkin ka inhmang ve a, PMCF-ah phei chuan Secretary hna te ka chelh ta hial nghe nghe a. Nuam ti takin College lamah pawh ka inhmang ve bawk a. Holidays sei deuhah pawh Mizoram lama haw lovin Mizo haw ve thei lo te zingahte leh Orissa super cyclone tuarte tanpui te in ka hun ka hmang a, kum 2001 April thla bulah chuan tha taka ka zirlai zir zovin Pune pawh chu ka chhuahsan ve leh ta a.

Mizoram ka thlen rual rualin Jharkhand State-ah Children's Home din turin appointment ka dang leh ta nghal a. Kar khat pawh inah awm hman lovin Jharkhand-a Pakur lam panin ka chhuak leh ta a, he hmunah hian Peniel Children's Home chu Dhanushpuja vengah kan din a, ka enkawl zui ta bawk a. Mizoram lam atangin thawktu pahnih min lo pek belh bawk a, kum thum zet ka enkawl hnuin kum 2004 khan kan Funding Agency te duh dan angin native worker kutah kan hlan chhawng a, ka assignment/mission chu accomplished a lo ni ta a, Mizoram lamah ka lo haw tak tak ta a ni.

Naupanlai......

Naupan lai chanchin ziakna

LIFE

Network Business kan khawih ve lai....

(Pic. Mr. Tarat hovin Alan Muanpuia & Meriam-i ten TVI an sawi Hotel Clover, Chanmari-ah)

Tunge ka nih!!!

La hriat mai ang...lo la nghak deuh la....

Hmelhriat Rawh le…………..

Under Construction